مين اللي قال البنت زي الولد ؟

مين اللي قال البنت زي الولد ؟

اطلقت سعاد حسني صيحه قويه منذ سنوات تقول ان ( البنت زي الولد .. ماهيش كماله عدد ) ، بعدها تحولت الصيحه الى شعار يتبناه المجتمع بقوه ، لكنني لا اصدقه ولا اعتقد ان البنت زي الولد ... لان الحقيقه مش كده خالص والاسباب كتيرة ...

1 – بيقول المثل ( الولد لخاله والبنت لعمتها ) اي ان الابن يشبه خاله والبنت تشبه عمتها ، واذا لم يكن هناك فرق .. وكبر الولد وهو يشبه عمته و كبرت البنت وهيا تشبه خالها ... تبقى مصيبه !!!

2 – يقول المثل ( اعز الولد .. ولد الولد ) ولم نسمع مثلا يقول ( اعز البنت ... بنت البنت )

3 – تتم معاقبه الولد الذي يعاكس بنتا في الشارع بمقوله ( هو انت معندكش اخوات بنات يا كابتن ) ، وبالرغم من وجود بنات تعاكس اولادا في النادي او الجامعه او الشارع فإننا لم نسمع واحده تعاقب أخرى بمقوله ( هو انتي معندكيش اخوات اولاد يا mozza ) ؟؟

4 – الكلام نفسه ينطبق على مقوله ( ترضى حد يعمل مع اختك كده ؟؟ )

5 – الولد ممكن يقعد عند الميكانيكي ويشرب عنده الشاي ( ماعرفش ايه الميزة في كده ) بس اللي اعرفه ان البنت ماينفعش تقعد عند الميكانيكي .

6 – الولد يقدر ينهي مكالمه التليفون في اقل من ثانيه ... لانه مش رغاي ، يقدر يعمل مكالمه يقول فيها كل اللي عايزه بسرعه ، ودا معناه فاتورة تليفون اقل او كارت شحن عمره اطول ، البنت ممكن تخلص كارت شحن ب150 جنيه قبل ما تدخل في الموضوع اصلا . ( بس مش للدرجادي بردو )

7 – الولد لو سافر 5 ايام اجازة كل اللي محتاج له بنطلون جينز واحد بس و 2 تيشيرت وفوطه وفرشه اسنان وفرشه شعر و جيل ، يرميهم في اي شنطه على كتفه . البنت لو هتسافر 5 ايام عايزة شنطه من بتوع واحد مسافر الكويت .

8 – الولد يقدر يفك الانبوبه و ينزل يغيرها و كمان يركب الانبوبه الجديده و يجربها .. البنت بالكتير اوي ممكن تصرخ في نص المطبخ ( يا ماماااااااااااااااا .. الانبوبه فضيت ) .

9 – الولد ممكن يقلع جزمته في الشارع ويديها للراجل بتاع الورنيش يلمعها له .. البنت مستحيل .

10 – لو كان الولد زي البنت ماكانش العالم كله مشي على قاعده lady's first ( يعني الستات اولا ) . ولو كانت القاعده دي صحيحه ماكانش ربنا خلق الراجل الاول .

11 – البنت ممكن كلمه صغيرة تجرحها وتخليها تبكي .. الولد عنده طبقه جلد سميكه فوق مشاعره ( جبله يعني ) تخليه يحس اقل وعمره ما يعيط ، ولو في مرة عيط ..كل الناس تتهمه بانه ( بيعيط زي البنات ) .

12 – لو الولد راجع من مشوار في عز الحر ممكن يقلع هدومه اول ما يدخل من باب البيت على طول ، بالنسبه للبنت الموضوع هيبقى صعب شويه .

13 – لو فيه موسيقى شغاله صعب حد يقول للولد " ما تقوم ترقص شويه " . ( هههههههه )

14 – لو الدنيا حر الولد يقدر يقوم يحط راسه كلها تحت الحنفيه بدون تردد ، ولو حر قوي ممكن يشيل شعره كله بالموس .

15 – الولد يقدر يروح الاستاد مع اصحابه ويقعد في مدرجات الدرجه التالته و يشجع ويرقص ويرمي ازازات البلاستك على حارس مرمى الفريق الخصم ( بلطجي ) ... البنت ماتقدرش تروح الاستاد ( الا لو كان معاها اولاد ) .

16 – الولد مش مضطر يمشي بشنطه .

17 – الولد ممكن اصحابه يعدو عليه تحت البيت وينزلهم في دقيقه ويرجع بعد ساعه ... من غير ما يقول لحد ان ده كله حصل ومن غير ما حد ياخد باله ، ولو حد خد باله مش هتفرق .. البنت متراقبه 24 ساعه ، وفكره ان صحباتها يعدو عليها ياخدوها و يخرجو مع بعض فكره تنفيذها بيحتاج مجهود خارق . ( مش في حاله العطاعيط طبعا .. احم احم )

18 – في الاتوبيس او المترو ، دايما الولد هو اللي بيقوم للبنت عشان تقعد مكانه ، عمرنا ماشفنا بنت قامت علشان الولد يقعد .

19 – لو البنت بتلعب في جهاز الكمبيوتر في المدرسه واتحرق منها او انفجر مثلا .. المدرسين هيجرو عليها ولو لقوها مخضوضه و هتعيط هيطبطبو عليها ويقولولها " فداكي الكمبيوتر " ، اما لو ولد باظ منه الماوس بتاع كمبيوتر المدرسه هيروح ومعاه جواب استدعاء ولي امره .

20 – لو البيت في لمبه محروقه والاب عايز كوبايه شاي ، مستحيل يقول لابنه روح اعمل شاي و يقول لبنته انزلي اشتريلنا لمبه مسمار .

21 – الولد ممكن يرقص في الشارع في زفه ابن عمه ، البنت آخرها تقف تسقف و تزغرد وتحترم نفسها .

22 – البنت لما تحط ماكياج بتبقى احلى .. الولد لما يحط ماكياج بيبقى بلياتشو .

23 – لو البنت زي الولد ابقى انا زي ابن خالتي .. و تبقى ايليسا زي عصام الحضري .. و الهام شاهين زي يوسف شعبان .

24 – لو البنت زي الولد ماكانوش عملو في البطاقه خانه اسمها ( النوع ) ولازم تكتب قدامها وبوضوح .. ذكر او انثى

طبعا اعتقد ان دلوقتي كل البنات حاسين بالتفرقه العنصريه
وان الاولاد ليهم مميزات احسن منا .. لكن انا في موضوعي القادم هثبت لكو ان البنت ليها مميزات كتير جدا ..تفخر بيها

يلا سلام .. سي يو

queen

ههههههههههههه
جامد جدا بس
علشان تعرفوا انى الولاد ليها وضع بردوا
ميرسى يا جميل على الموضوع

ههههههههههههههههههههههههه
جرى ايه يا volkana
الاولاد ليهم وضع والبنات ليهم وضع
وكل واحد يخلي باله من لغاليغه

وشكرا يا عسل على المرور

لا انا لغاليغى فى البيت

هههههههههههههههههههههه
احسن بردو

اكيد طبعا الولد ليه وضعو فى الخروج

عادي يعني مالبنت بردو ليها وضعها في البيت Very Happy

ونورت التوبيك يا قمر

هههههههههههه مرسي ياقمر على
التوبيك الروعه ايه يابت الحلاوة ديه

اي خدعه يا موني
نورتي التوبيك يا قلبي

الموضوع رائع فلعا بس المواضيع اللي عن البنات اكتر و اعتقد انا عانيت في الموضوع ده قبل كده فكفاية لول

مهو احنا مستنيين حضرتك تتشطر وتحطلنا مواضيع عن الشباب
(( عشان نخفف من التفرقه العنصريه ))

ويسلمو يا قمر على المرور

انا هقول تعليقي على الجمل ال غلط
6-هو صح ان الولد يقدر ينهي المكالمة في ثانية بس دة في حالة لو كان بيكلم واحد صاحبه....اما لو بيكلم الموزة بتاعته هيعد اكتر من ساعتين
11-طبعا البنت ممكن اي حاجة تجرحها بس الولد لا طبعا لان ما عندوش دم
16-مش كل البنات بيمشو بشنطة ومنهم انا
21-مش كل البنات ما بيرقصوش انا وحدة في اي فرح برقص ما يهمنيش حد
22-مش كل البنات اما بتحط مكياج بتبقى احلى في بنات احلى من غير مكياج (ومنهم انا طبعا) Very Happy

ههههههههههههههههههههههه
ماشي يا نونو موافقين على ملاحظاتك ... بس الاخيرة دي واسعه شويه Very Happy

يسلمو يا قمر على المرور

شكرا

العفو
اي خدمه يا منوش

thx ya 2lbi

كل واحد في عيب مفيش حد معندوش عيب حتى البنت ليها عيب والولد ليه عيب كل الناس ومحدش يقولي أنا معنديش عيب Mad

وثانكس على التوبيك

thnx soso w zoma 3ala mrorko

wlcmooo:lol: