الجمجمه دي فيها ايه ؟

يا ترى هيا جمجمه المراهق فيها ايه ؟

اعشق الاسئله اكتر من المكرونه بالباشاميل ( بالمناسبه هما ليه سموها باشاميل ؟ ) ، لان الاسئاه دي هيا الدليل ( الوحيد ) على ان عقلي يعمل ( وعلى اني عندي عقل اصلا ) .
ادخل الاسئله الى الجمجمه .. واكاد اسمع صوتها وهي تطحن الاسئله كالخلاط المولينيكس ، اتمنى لو استطيع ان اتسلل الى الداخل لاعرف الجمجمه دي فيها ايه ، فأنا فخور بها وبقدرتها على هرس علامات الاستفهام حتى لو لم احصل على اجابات ، وهنا تكمن الاثارة والمتعه ، مش كل الاسئله ليها اجابات يا حبيبي ...

• هيا الكهرباء لما بتتقطع بتروح فين ؟
• لو فيه شجرة وقعت على الارض في الغابه ، هل بقيه الشجر هيضحكو عليها ؟
• ليه في شارع مراد حاطين يافطه كبيرة مكتوب عليها " ابتسم انت في الجيزة " .. هل الجيزة حاجه تضحك ؟؟؟
• لما تطلب ساندوتش من مطعم وتحب تضيف عليه اي اضافه بيزودو سعر الساندوتش .. طيب ليه لما بتحب تشيل حاجه من محتويات الساندوتش سعره مابيقلش ؟؟
• ليه بيقولو ( الحب اعمى ) ومع ذلك كل اغاني الحب عن ( العيون ) ، نور العين وسحر عينيك وعينيك واحشاني و عينيك كدابين وحبيبي و عينيه و عنيا بتحبك .
• طيب لو كان الحب اعمى ... ليه واكلين دماغنا بالحب من اول نظرة ؟
• لو اسمك ( ماجد ) واشتغلت طيار ، هتفضل مستحمل قد ايه الناس وهيا بتندهلك ( كابتن ماجد ) ؟
• الاخرس بيكلم نفسه ازاي ؟
• ليه بيقولو على الشخص اللي نايم بعمق انه نايم زي البيبيهات ؟ مع ان البيبيهات اصلا بيصحو كل نص ساعه ؟
• معروف ان ( اللي بيتلسع من الشوربه بينفخ في الزبادي ) بس هل لو انا نفخت في الزبادي .. يبقى ده معناه اني اتلسعت من الشوربه ؟؟
• ليه البنات بتفتح بقها وهيا بتحط ( ماسكارا )
• ازاي لما اسأل عن مقر النادي الاهلي فين ، الاقي الاجابه : النادي الاهلي في الزمالك ؟؟
• ليه لو واحد قال قدامي كلمه " الاقصر " بتيجي في دماغي على طول صورة " الاثار " ... مع ان لو في واحد قدامي قال كلمه " الاثار " مش شرط تيجي في بالي صورة " الاقصر " ؟؟
• ليه الناس مابتقولش ( الرياضه فايز ومهزوم ) غير لما تتغلب ؟
• ليه الشامبو بيبقى بالخوخ الطبيعي بينما عصير الخوخ بيبقى معمول بنكهة الخوخ الاصطناعيه ؟
• ليه اللي سايق عربيه ومشغل الكاسيت او الراديو ... اول ما يدخل شارع ضلمه يروح موطي الصوت فورا ؟
• ازاي تقدر تعرف المسند بتاع كرسيك في السينيما ؟
• ليه الناس بتقول لاي حد في الشارع " يا باشمهندس " ماعدا المهندس نفسه بيقولوله " يا دكتور " ؟
• ليه بيقولو في الاخبار . مصرع 9 في فلسطين .. و مصرع 50 في بغداد . ومصرع 85 في زلزال . ومصرع 112 في سقوط طائرة ؟ . طب ما يقولو مصرع 250 واحد في نشرة اخبار التاسعه !
• ليه لما يكون واحد واقف مستني الاسانسير بعد ما داي على الزرار وبقى منور .. ييجي واحد تاني بعد ثواني يبص لك و يبص للزرار المنور ويروح دايس عليه تاني ؟؟
• لما تيجي تتصل بواحد ... ليه الرقم الغلط عمره ما بيكون مشغول ؟
• لو كانت الارض كرة زي مابيقولو .. طب الماتش هيبدأ امتى ؟
• ليه هيفاء وهبي بتقول " انا بردانه اح " مع ان " اح " بتتقال للحاجه السخنه ، يعني المفروض تقول " انا بردانه بررررر "
• اذا كان زي ما بيقولو الدنيا مسرح كبير .. طيب انا بمثل ةلا بتفرج ؟! و اذا كنت من المتفرجين طيب فين الكرسي بتاعي ( شكله كده هوا اللي الراجل الاقرع ده قاعد عليه ) .
• ليه بيكلبشو العربيه اللي واقفه صف تاني وقافله الشارع .. مع ان بعد الكلبشه بيفضل الشارع مقفول بردو .؟
• لو الصاعقه ضربت حد بيموت متكهرب فورا .. طيب لما الصاعقه بتضرب البحر . ليه السمك اللي في البحر مش بيموت متكهرب ؟
• لما الواحد يعلي صوت الكاسيت ... هل ده بيسحب كهربا اكتر ؟
• لو البوليس وهوا رايح يقبض على حد شاف في السكه جريمه بتحصل ، هيمنعها ولا هيركز في المهمه اللي طالع عشانها ؟.
• هل الحيوانات بتعطس ؟
• طيب هل حصل فعلا في يوم من الايام ان واحد ( ضرب عصفورين بحجر واحد ) ؟
• ليه لما يكون الواحد في العربيه والعربيه هتعدي من تحت نفق .. تلاقي الواحد بيوطي راسه كانه هوا شخصيا اللي هيعدي من تحت النفق ؟
• ليه لما اكون في البيت واتصل بالسوبر ماركت ( اسمه سوبر ماركت ريشه ) واقول " الو .. سوبر ماركت ريشه ؟؟؟؟ " .. يرد عليا الراجل يقوللي ( ان شاء الله ) .. يعني ( ان شاء الله سوبر ماركت ريشه ؟ ) ولا ( ان شاء الله مش سوبر ماركت ريشه ؟ ) ؟؟؟
• ليه لما تسأل حد على عنوان وتقوله " شارع كذا فين ؟ " يرد عليك بسؤال " هما قالولك فين ؟ " ... طيب ما هما لو كانوا قالولي ماكنتش هسألك .. وبعدين هما مين اللي قالولي ؟؟؟
• ليه الناي في الشارع بتستخدم ادوات نداء لتوقيف اي شخص .. ادوات مالهاش اصل في اللغه زي .. بسست .. والنبي يا ، ويا كابتن ، و باقولك يا ، وخد يا ، وليه ادوات النداء دي بتقوقف الشخص المقصود بالذات ؟؟؟
• بيقولو لكل قاعده استثناء .. طيب ايه الاستثناء بتاع القاعده دي ؟
• ليه لما حد يحب يديلك معلومه بيبدأ الجمله بكلمه " بيقولك " ( بيقولك العربيات رخصت ) ؟؟
• ليه فيه ناس لما تعدي عليها وتقول " سلامو عليكو " ماتسمعش منهم غير صوت بيقول " وع .. ل .. س س .. هه " ؟؟
• ليه المذيعه بتتمنى لنا دايما وقت ممتع مع الفيلم العربي اللي بيتذاع للمرة الالفين .. وهيا عارفه كده كويس ؟؟؟
• طيب ليه المذيعه بتقول اعزائي افراد الاسرة ...وهيا ماتعرفش حد فينا ؟؟
• ليه الشخص اللي يسألك " الساعه كام ؟ " لازم يرفعلك دراعه الشمال ويشاور بصباعه على رسغه ؟؟ .... طيب اللي بيسأل عن الحمام المفروض يشاور على ايه ؟؟
• اللي مايقدرش يتكلم اخرس ... واللي مايقدرس يسمع اطرش .. طب اللي مايقدرش يشم ايه ؟
• طيب ليه اللي يسألني على الساعه لازم يحلفني " الساعه كام و النبي ؟ "
• ليه لما تقول لواحد حاجه ومايسيمعهاش كويس تلاقيه هوا اللي علا صوته فجأه " بتقول ايه ؟ " ؟؟؟
• ليه الكتابه على التي شيرت لازم تكون بالانجليزي ، ليه محدش بيكتب على التي شيرت بتاعه بالعربي مثلا " اللي ذاكر ذاكر خلاص "
• ليه الواحد مايشربش ازازتين مزيل دهون علشان يخس ؟
• اذا كان زيت الذرو معمول من الذرة .. وزيت تباع الشمس معمول من تباع الشمس .. طيب ال baby oil معمول من ايه ؟؟
• لو ركبه الانسان كانت لورا مش قدام .. كانت الكراسي هيبقى شكلها ايه ؟
• ليه الواحد بيدوس على الريموت كنترول بقوة وعنف لما الحجارة بتخلص ؟
• التوأم الملتصق لما بيدخل السينما ، بيقطعو تذكرة واحده ولا تذكرتين ؟
• ليه الكبار بيطلع لهم شعر في ودانهم ؟
• لما البوليش بيهجم على شقه ويكسر الباب ، مين المسؤول انه يصلح الباب ده ؟
• لو واحد مات ورجله متجبسه .. هل بيدفنوه بيها متجبسه ولا بيشيلو الجبس ؟
• افرض انك شفت منظر مؤثر وانت تحت الميه .. ينفع تعيط ؟؟
• الاعمى بيشوف ايه في الاحلام ؟
• مممين فيهم الاول .. البرتقال ولا اللون البرتقالي ؟
• هل كان في آثار ايام الفراعنه ؟
• هل ممكن يتعمل جبنه من لبن الامهات ؟
• ليه سوبر مان بيلبس الاندر وير بتاعه على هدومه من بره ؟
• ليه بيقولو ( هديه مجانيه ) هوا في هديه بفلوس ؟
• ليه الوجبه المفرحه " ال happy mial " بتبقى قليله ، المفروض الوجبه المفرحه تكون مليانه بشكل يفرح ؟
• ليه بنقول " باي باي " ومابنقولش " هاي هاي " ؟
• ليه يا قلبي كل يوم بتحب واحدة ؟ ( عمرو دياب )
• ليه كل اللي ياما وعدني بيه .. ؟ ( تامر حسني )
• ليه بتعمل كده .. وكل حاجه عملهالي مشكله ؟ ( مجدي سعد )
• ليه انت بتقرأ لغايه دلوقتي ؟ ( ميما عطعوط )

Wink

ههههههههههههههههههههههههههههههههههههههههههههه الموووضوووع روعه يسلمووو موووت يا عسل ومواضيعك تحفه يا ميما يلا سلام

يسلمو يا قمر علي الموضوع جامد مووووووووووووت
وحمدالله ع السلامه يا هوبا ليكي وحشه والله ,,, عاش من شافك

يسلمو يا قمامير على المرور
منورين مواضيعي دايما يارب

جامد جداا يا
ميما
بس انا تهت جوة الموضوع كلة داخل جو كلة
تسلمى يا عسل على الموضوع

الله يسلمك يا دوكا والله انتي الي ليكي وحشه اديني قاعدلكم في المنتدى عشان اتنيلت ورجعت الكويت........

الموضوع مايتوهش ولا حاجه يا فولكانا
ده كل سؤال احنا بنسأله لنفسنا يوميا

وتسلم على مرورك يا جميل

هههههههههههههههه
دا انا عملتلك اعدة مخصوص عشان اقرا الحوار دا لا بس اشطة جامد كييييييييييييييييييييييك
ههههههههههههههههههههههههه طب انا مش بسال نفسي الاسئلة دي دا اول مرة احس اني غبية اووي كده Laughing

وفي الاخر تقولي ليه بتقرا لغاية دلوقتي ماااااااشي ياميما حسابك بعديين Twisted Evil

هههههههههههههههه هوا فعلا الموضوع محتاج اعده
بس ازاي انتي اول مرة تحسي انك غبيه ؟ المفروض تكوني حاسه من زمان lol!

لالا بهزر ... وتسلمي على المرور يا قمر

هههههههههه ماشي ياميما لما اشوفك Evil or Very Mad

نيس موضوع على فكرة موضوعك جامد جدا

ثانكس يا عسل على المرور والرد
نورت الموضوع

الله يخليكى انتى اللى منورة الدنيا كلها

اه ما انا عارفه
بس انا كان لازم اجاملك يعني ولا ايه ؟ Laughing

انا بحس من طريقة كلامك انك زعلانة من حاجة ....؟
عى العموم انتى اللى منورة ودى مش مجاملة

اباااااااااااااااااا ايه الكبسه دي يا ميما جامددددددددددددددده يا بت الولد كده شكله هيزعل Very Happy

بس ولا يهزك استمري يا قمر Wink

لالا خالص انا مش زعلانه ولا حاجه
انا عماله اضحك واهزر من الصبح
وانا عارفه اني منورة bom

وياهوبا يا قلبي انا ماكبستش حد
انا كنت بس بقول الحقيقه
وبعدين هوا اكيد مازعلش يعني .. ما هو لازم يتعود على كده
ولا ايه ؟

شكرا على ردك اجميل دة يا هوبا

انا مش بزعل من حد عادى احنا كبار على الكلام دة

العفو ياريفو اي خدمه وابقى تعالى كل يوووووووووووم..... Cool

هع هع هع هع هع هع هع هع عسل اوى يا هوبا وانتى اوعى تزعلى منى انا بهزر معاكى احنا كلنا اخوات والمفروض محدش يزعل من التانى

حلوه هع هع هع هع دي Very Happy

وعلى فكره انا مزعلتش خااالص والحمدلله مابزعلشي من حد Wink

هههههههههههههههههههههههه
موضوع جامد موووووووووووووووووووووز يا عسل
وياريت المزيد زى ما انت معودانا
وشكرا

لا جاكده موووووت طب ليه اللمبه متصفرش والسصفاره متنورش

امريكا بستهبل يا فوزيه Very Happy

اه يا rivo من اولها مشاكل
اسمع كلام عمك volkana
انت عارف طبعا قصدى