مبادئ الرخامه الاساسيه ....

اهم مبادىء الرخامه الاساسيه

1-لما تسأل واحد وتقلوا أقول ولا مقولش ..يقلك قول ..قله قول وطعميه .


2-لما تسأل واحد وتقله صح ولا غلط ..يقلك صح ..قله صح النوم

3-لما تسأل واحد وتقله الكلام دا حصل ..قالك حصل ..قله حصل وطحينه


4-لما واحد يقلك انا جيت نورت البيت قله ..لا دا نور الكهربه



5-لما تسأل واحد وتقله دا احلى ولا دا ..وقالك سيان ..قله سيانى بتوجعنى انا لازم اروح لدكتور السيان


6-لما تسال واحد ايه رايك فى حاجه ..وقالك جامده ..قله جامده برباط ... و لا جامدة ما بتتكسرش


7-لما تلاقى واحد لابس شيك كده او عامل حاجه حلوة ..قله ايه الحلاوه ديه مافيش جبنه


8-لما واحد يقلك انه بيعمل حاجه ومش راضيه تتعمل ..قله ما انت فقر .... اه فقر وقطه


7-لما واحد يقلك طز فى اي حد .. قله طز بلبن


8-لما واحد يقلك دا انا مفيش زييي واحنا اللى دهنا الهوا دوكو .. قله احنا اللى عملنا الهوا كروهات ... ولبسنا السمك مايوهات ... وخرمنها لما حبينا نغرقوا


9-لو لقيت حد لابس قميس مكرمش قله ايه القميص الى طالع من بق الكـلب ده


10-لو لقيت حد لابس قميص لون غريب قله مافيش منه رجالى ده


11-لو حد استظرف عليك قال على قميصك مافيش منه رجالى ... قله لا والله ده اخر واحد


12-لو حبيت تخنق حد قله معاك ولا عه يقولك لا – ولا كبريت .... لا – ولا ظلتين عشان نولع بالشراره ... لا – طب معاك بوتجاز .... لا - ؟؟؟امال بتاكل الأكل نى ولا ايه .....


الخ الخ لحد مايضربك


يا جماعة دي مبادئ علم الرخامة .... طبعا في ناس عندهم الحكاية دي بالفطرة ... و في ناس بيحبوا يتعلموا .

والموضوع ده للي عايز يتعلم