يوميات شاب روش في الجيش......مسلسل فكاهي

يوميات شاب روش في الجيش

زيكو شاب روش يموت في الروشنة و الملابس الروشة و الماركات العالمية و لبسه استايل خالص و لازم السلسلة اللي عليها صورة جيفارة في صدره و الحظاظة في ايده .
زيكو كل يوم بيحب يسهر بره و مقضيها تظبيت كل يوم مع واحدة شكل .
و معروف انه دنجوان الجامعة و كل البنات بتموت فيه و طبعا كل الولاد بيحقدو عليه طبعا مين زيه .
و على طول بيعدي السنة في تلاته أكيد يعني هومش فاضي للمذاكرة و الحاجات اللي تزهق دي .
خلاص النتيجة طلعت و الحمدلله زيكو نجح بمقبول على اخره و بعد رفع ماديتين .
زيكو بدأ يشوف نفسه بقه الواد خلص جامعة و خد مقبول قد الدنيا و عايز يشوف بنات جديدة غير بتوع الجامعة .
كل يوم يروح كافيه شكل و مفيش واحدة عجباه عشان يظبطها و طول ما هو في الكافيه الشيشة مبتفارقهوش .
و في يوم شاف سالي و قال بكرة البت دي حظبطها .
و صحي تاني يوم العصر زي العادة و بدأ يجهز عشان يروح الكافيه و عمال يحط خطط ازاي يوقع سالي في حبه .
لكن جرس الباب يرن مامته تفتح تلاقي جواب لزيكو .
زيكو فتح الجواب و بدأ يقراه من هنا و راح أغمن عليه يعيني .
زيكو حبيبي مالك حصلك حاجة
الجواب ده فيه اه ؟؟؟؟؟؟؟؟
مامته تمسك الجواب و تقراه و تلاقي انه .
.
.
.
.
.
.
.
.
ينهار أسود جواب استدعى للتجنيد !!!!!!!

ايه اللي حيحصل لزيكو و ازاي حيتقبل الموضوع ده
استنو الحلقة الجاية من مسلسل يوميات شاب روش في الجيش .

وكمان بتألف ؟
ده ايه الهنا اللي احنا فيه ده ؟
لالا بجد المسلسل شكله جامد طحن
يلا اهو يبقى جنب مسلسلات رمضان


شكرا يا قمر

قمر الدين ولا عركسوس

تسلمى على ردك يا عسوله

انا قولت من الاول انك خفه

ما انا عارف يا خفيفه

الله عليك يا santos زى ما انت معودنا
فى انتظار الحلقه التانيه من مسلسلك
وطبعا دى مسلسلات احسن من مسلسلات رمضان
مسلسلات رمضان دى اتحفظت
لكن احنا عايزين الجديد

اوكى يا حبيب قلبى ربنا بخليك ايوه كدا الناس الكول مش الشعبين

فرقه diller ..... boys يا مشرفنا

عمنا زيكو قعد يومين في البيت مغمي عليه و مبينطقش لكن بعد محاولات مضنية ( حلوة مضنية دي) من مامته و باباه راح زيكو منطقة التجنيد و التعبئة و هناك كانت الصدمة .
الصدمة كانت بالنسبة له طبعا شباب من كل حته جايين منهم من القرى و الارياف و العشوائيات .
و ده ياي مش ممكن ايه الريحه الوحشة دي !!!!!!!
ايه هما الناس دول ميعرفوش حاجة اسمها بودي سبراي ميعرفوش حاجة اسمها دي أودرنت ياييييييييي.
المهم صاحبنا وقف في الطبور عشان الكشف الطبي و الحاجات دي و جاي الشويش بيقوله اسمك ايه ؟؟؟؟
رد زي العادة اسمي زيكو
و طركشششششششششششش!!!!!!
قلم على قفاه
زيكو يا روح ماما اسمك الثلاثي ايه يا مجند
زكي أحمد عبد السلام
ايوه كده أوقف عدل يا مجند
صاحبنا واقف حيعيط خلاص م الذل و الاهانة .
المهم دخل الكشف الطبي كشفو عليه و للاسف طلعوه لائق
و حيروح الجيش يعيني .

يعيني يا يعيني يعيني عالولد يعين......
متأسف على الفاصل الغنائي ده .

المهم صاحبنا رجع البيت و هو قاهر نفسه من العياط حيروح الجيش
و مش حيعرف يظبط سالي .
سالي
هي السبب في كل ده وشها وحش عليه أوي
ربنا يخدها
و مامته و بباه قعدين بقى معلش يبني الجيش برده حيعمل منك راجل و كلها كام شهر و تعدي
و بيني و بينكم بباه كان فرحان أوي أوي !!!!!!!!
لأن اتخنق من مراته و دلعها المرق لزيكو و اخواته
المهم عمنا زيكو لم حجاته و سلم أمره لله و روح عشان يتوزع على الوحدة بتاعته
و الصدمة المرة دي انه رايح ........
الصاعقة ...........
ايه اللي حيحصل لزيكو في الصاعقة و حيعمل ايه هناك ده اللي حنعرفه في الحلقة القادمة من يوميات شاب روش في الجيش

واااااااااااااااااااااو
بجد روووووووووووووووعه
ومستنيين الحلقه القادمه

يسلمو يا قمر

allah 3lak ya santos
mo2lef 2dem ya abny
ant mkankmsh hna
ant lazem ttl3 fo2 gabl
w tnot mn fo2h

اى خدمه لقد ولد الشعر على لسانى وقال قشطه عليك

عمنا زيكو عرف انه صاعقة رح راقع بالصوت !!!!!!
صاعقة يا مامي و حعد أكل الحجات الغريبة اللي بيكلوها دي ياي !!!!!!
المهم صحبنا وصل لمركز التدريب و معاه شنطته و وزعزهم على عنابر النوم و ما أدراك و ما عنابر النوم سراير أدوار زي بتاعة إسماعيل ياسين و كلها حشرات لطيفة جدا بتجري هنا و هنا
يعيني يا زيكو .
زيكو قلك لا أنا منمش هنا ايه ده ياي ايه الحشرات و الحجات اللي تقرف ديه لا لا أنا منمش هنا أبدا على جثتي
بحظه الفقري مين معدي ؟؟؟؟؟
صح , الشاويش أبو الفتوح و ده راجل صعيدي ميحبش الحال المايل راح قفشه
عما تجول ايه يا مجند يعني ايييه متنمش هنا ليييه عيزهم يحجزولك في جوضة خمس نجوم اياك ؟؟؟!!!
زيكو : لا يا شاويش بس السراير هنا تقرف أوي
الشاويش: أمال جيش ازاي انت ممكن تنام في الصحرا وسط السحالي و التعابين لو الحرب جامت روح نضف سريرك يله و حسك عينك أسمعك بتجول الكلام الماسخ ديه تاني فاهم .
زيكو: حاضر يا شويش
يعيني زيكو حيعمل ايه لازم يسمع الكلان أصله مش في البيت لو الكلام معجبهوش يسيبه و ينزل .
المهم عمنا زيكو راح منضف السرير و نام .
و الساعة خمسه الصبح يقوم مفزوع ايه فيه ايه هي اسرائيل هجمت و لا ايه ؟؟؟؟؟؟
يرد عليه زميله اللي في السرير اللي تحته لا يا خفيف ده نفير الاستيقاظ قوم يلا عندنا طبور .
زيكو اللي متعود يصحى الساعة خامسة العصر يصحى خمسة الصبح شوف الدنيا
فعلا على رأي الممثل القدير رضا في فيلم معبودة الجماهير ( عجبت لك يا زمن )

يا ترى ايه اللي حيحصل مع زيكو في أول يوم ليه في الجيش ده اللي حنعرفه الحلقة اللي جاية ....... تابعونا
تحياتي لكم

allah
aiwa keda fenk men zaman

ea kdma

ya ret el7l2a el gdeda w bsor3a
please

lsa shoea

enta btzlna wala ah

ميرسي على المسلسل الجامد ده بأه عندنا مألفين في المنتدى كمان
الف مبروك يا ريت نشوف الحلقة الجاية

ثانكس على مروركم

ميرسي فين الحلقة الثانية

لسه شويه كده على بكره ان شاء الله

قشطه يعنى

ok ana fe elantzar

يلا احنا في انتظار الحلقة القادمة من مسلسل زيكو

مرسي ياجميل على الموضوع وبجد خفه
دم محصلتش مرسي مره تانية