اقوال الاباء والامهات وخاصة المصرين ..

انت فاكرنا لاقين الفلوس ديـــ في الشارع .

* ما تتكلمش بصوت عالي في الحمام .

* والله ما انت فالح .. وادي دقني أهه .

* ما تنمش غير لما تغسل سنانك .

* ما تلزقش في التلفزيون كده .. نظرك هيضيع .

* سلم على عمك كويس يا ولد .

* يا ابني محدش هينفعك .

* ما تطلعش ايدك من الشباك .

* قصة الغريق الكاذب اللي كل مره يقول الحقوني ... لحد ما غرق بجد .

* ربنا يرزقك بعيل يوريك اللي ورتهوني .

* ما تطلعش على الملايه النظيفه و رجليك متوسخه كده .

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

* طلع ايدك من جيبك و انت بتكلمني .

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

*
انت فاكرنا نايمين على ودانا ؟

* يا ابني انت مسطول ولا ايه ؟

* ما تلبسش القميص على اللحم زي العيال الصايعه .

* بلاش أكل بره .

* كلمنا لما توصل .

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* لازم تأكل سلطه .

* اوعى تكدب عليا كده تاني مرره .

* اوعى حد غريب يديلك حاجه تاكلها و تشربها و تاخدها منه .

* يا ابني كلم خالتك العيانه اسأل عليها .

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .


* ما تقعدش قدام المروحه وانت مستحمي .

* كفايه رغي في التليفونات .

* بلاش وقفة الشبابيك و البلكونات .

* اوعى تقول لحد هات لي حاجة .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر . أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

*
صليت العصر ؟!

* ما تمشيش حافي في السقعة دي

* ما فيش مذاكرة على المزيكا .. أو .. بتذاكر إزاي و البتاع ده شغال جنبك .

* افرد ظهرك .

* ما تتأخرش بعد المدرسه و تقعد تصيع مع أصحابك .

* بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* تقعد في أول صف قدام السبوره .

* ما تردش عليا .

* مش عايز اسمع صوت .

* مالكش دعوة بالسياسة .. وماتمشيش في مظاهرات .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .
يلا انشالله يعجبكم يا حلوين ..

ههههههههههه
ايه يابنتى الموضوعات الجامده اوى دى بتجبيها منين

جملده اوى بتاعت الغريق دى

اي خدعه واحنا عايزين ننول الرضا بس ...وبالنسبه بجبهم من فين دي بقى اسرار المهنه ((واوعى وشك)) ويسلموو موت على مرورك

ماشى يا ست اسرار كل واحد ليه مخبئو بردو مش انتى بس يعنى وتسلمى تانى مره على مجهودك

ما بلااااااااااااااااااااااش اقول بتجيبيهم من فين يا روحي
يلا عموما شكرا على الموضوع يا عسل

انا عايزاكي بقى تقوللي انا بجبهم من فين يا فالحه..
على العموم يسلمو موت على مروووك يا قمرررررررررررررررر

موضوعك جاااااااامد مووووووت
وتسلم ايديكي يا عسل

الله يسلمك ياعسل ويسلمو موووووت ياقلبي لىمرورك

nice 2pic ya hoba

gamed awy ....

no comment

s7 wlahi ya hoba da aktr el klam
elly by2oloh ldrgt anna 7fznah
w bn2olo l a5watna el so3ayreen lol
nice 2opic ya gamel

يسلمو مووووووووووووووووت يا حلوين على مروووركك الجامد

yslamoo ya 3asal 3 el mawdoo3