صدرت قوانين محكمه الحب
الي هيدخل يتحاكم هنعرف من أجاباته على أسئلة الاعضاء
ياترى ,, المتهم ده برئ ,, ولا هاتثبت ادانته
يا ترى ,, المتهم ,, ده بيحب بجد ,, ولا بيقول كلام وخلاص
يا ترى ,, ويا ترى ,, ويا ترى
كل ده هانعرفوه ,, من ردودو ,, على الاسئله
القوانين العامه كالآتى :
1-الممحكمه هاتتكون من قاضي واتنين مستشارين هايتم اختيارهم كل شهر للنظر في اقوال الاعضاء اللى هيحاكموا في المحكمة والنطق بالحكم .
2- هيتم اختيار القاضي والمستشارين ,, حسب المكانه بتاعته وسط المنتدى ,, ومدى رزانته ,, وحكمته
3-وهيتم اختيار المتهم على حسب درجة ظهوره في المنتدى ... يعني مدى تفاعله في المنتدى .. من مواضيعه وردوده وكده يعنى .
والى هايختار المتهم القاضى والاتنين المستشارين
4-للمتهم الحق فى الاستعانه بعضو سيحدده قبل دخوله قفص التهام ليكون المحامي الخاص به .
5-مدة المحاكمة من 5 ايام الى اسبوع .
قوانين يلتزم بها المحامي :
------------
1- له الحق انه يجاوب سؤالين بدل المتهم.. ( وده على اساس ان المتهم هايتكسف ) .
2- يطلب من القاضي والمستشارين فترة لاتزيد عن يوم واحد ( اذا جدت ظروف تمنع المتهم من دخوله المنتدى ) لقدر الله .
3-من حقه الاعتراض على صيغة سؤال وطلب تعديله ( بعد موافقة القاضي ) .
قوانين يلتزم بها الاعضاء :
------------
1- عدم التجريح او استخدام الفاظ سخيفه ف الاسئله .
2- لو كان السؤال هايأذي المتهم يعنى هيزعله او كده بلاش منه.
قوانين يلتزم بها المتهم :
--------------
1-الاجابه بصراحه وصراحه تامه وقبل ماترد ع الناس ولا الناس تسال حاجه هتقسم بالله انك تجاوب كل حاجه بصراحه
( وقسم المحكمة هو )
" والله العظيم اقول الحق ولا شئ غير الحق واكون صريح في كل اجاباتي "
2-من حقك انك ترفض تجاوب على سؤال واحد فقط من كل مجموعة أسئلة لكل عضو .
3-مش من حق اللى جوا القفص ( المتهم ) ان يطلب ينسحب ف اى وقت .
وف الآخر مش عاوزين اي حزازيات بنا يعني محدش يحاول يجرح ف حد ولا يزعل حد لاننا اسرة واحده
يلا مستنى ردودكم
موضوع: محكمه الحب 
السبت أكتوبر 25, 2008 3:51 pm
