تعالوا اتعلموا الرخامة على اصولها

لوانتوا مثلا مسافرين سفر طويل باتوبيس يعنى حوالى 8 او9 ساعات فى الطريق طبعا هيبقى الكل على اخرة
ودى فرصتكم عشان تزهقوا فى خلق الله

اول لما تروحوا تحجزواعلى طول ولما تخلصوا حجز تروحوا بدرى عند العربية بحيث انكم تكونوا اول حد يحط شنطته فى شنطة الاتوبيس وتحاولوا تدخلوها جوة اوى علشان كل الى يجى يحط فوقها وتستخبى ولماتيجوا نازلين انزلوا بدرى شوية واول ما الاتوبيس يقف والناس تنزل انزلوا اقلبوا فى الشنط وطلعوها برة ووقعهوا وافردوها فى الشارع وتوهوا الشنط فى بعض بحجة انكم بتجيبوا شنطتكم ماهى اول شنطة من جوة هتلاقيها بعيد اوى وساعتها هتلاقى كل الناس بتجرى فى الشارع تدور على شنطها دى كانت اول حاجة

تانى حاجة وانت بتحجز خلى كرسيك جمب الشباك
ادخل انت الاول ومتقعدش فى الكرسى الى انت حاجزة لا اقعد فى الى جنبة وطبعا الشخص الى قاعد فى الكرسى اللى جنبك هايجى هيلاقى الكرسى الى جنب الشباك فاضى هايتبسط اوى هيدخل يقعد فية جرى خلية يقعد سيبة متكلموش
سيبة ساعة واتنين لحد مايكيف نفسه على المكان ويسلام لو كان نام وفى عز نومة ازغدة فى قلبة وقولة دا مكانى ياعم
هيزعق ويقول انا قعدت فية الاول طلع التذكرة وحطها فى عينة او انده للسواق او وقف الاتوبيس واعمل خناقة لحد ماتقعد مكانك

تالت حاجة قعدت مكانك وظبطت نفسك ياعم طبعا الراجل الى جنبك دا مش طايق يبص فى خلقتك خليك مبتسم دايما ومبسوط فى وشة عشان يتغاظ اكتر واديلة رست شوية وادير على الى قدامك شوية افرد رجلك من تحت الكرسى وخبط فى رجلية كل شوية وان اتكلم قولة اعملك اية رجلى طويلة ابقى احجزلك كرسيين ورا بعض ويسلام لوحاطط اكل تحت الكرسى اخبطة ووقعة فى الارض وكدة يبقى خلصت على الى قدامك ارجع للى جمبك تانى
اول ماينام ويريح نفسة صحية وقولة عدينى اروح الحمام لو سمحت هيقوم متغاظ طبعا وانت بتعدى حط ايدك على وشة
دخلت الحمام وخلصت وانت خارج لو لقيت واحد مستنى يدخل الحمام دى فرصتك يبقى فية ضحية تالتة
قولة سورى نسيت حاجة وادخل تانى واقعد جوة ساعتين لحد مايولع فى نفسة برة طبعا مفيش غير حمام واحد ولما تخرج لولقيتة لسة مستنى قولة على فكرة المية قطعة وسيبة وامشى

كدة يبقى انت كفرت كل الى فى الاتوبيس تقولى ياعم انت مزهقتش غير تلاتة هقولك لا
بطريقة الشنط زهقت باقى اللى كانوا فى الاتوبيس

واتمنى ليكم رحلة خنيقة هههههههههههههه